" വായിച്ചു വളരുക ചിന്തിച്ച് വിവേകം നേടുക " എന്ന മുദ്രാവാക്ക്യവുമായി ഗ്രാമ ഗ്രാമാന്തരങ്ങളിൽ അക്ഷര വെളിച്ചം പകർന്ന പി .എൻ . പണിക്കരുടെ ചരമദിനമായ ജൂണ്‍ 19 ന് തുടങ്ങുന്ന വായനാവാരത്തിന് കാടഞ്ചേരി ഗവ : ഹയർ സെക്കണ്ടറി സ്ക്കൂളിലും വിപുലമായ തുടക്കം.പ്രത്യേക സ്ക്കൂൾ അസംബ്ലി ചേർന്ന് വിദ്ധ്യാർഥികൾ വായനാദിന പ്രതിജ്ഞ എടുത്തു.കെ .പി .ഉണ്ണികൃഷ്ണൻ മാസ്റ്റർ പി.എൻ . പണിക്കർ അനുസ്മരണ പ്രഭാഷണം നടത്തി. " വായനയുടെ മഹത്വം , പുസ്തകങ്ങളുടെ പ്രസക്തി " എന്ന വിഷയത്തിൽ അദ്ധ്യാപകരായ ഒ . കെ . ബാലകൃഷ്ണൻ , സേതുമാധവൻ കടാട്ട് എന്നിവർ പ്രഭാഷണം നടത്തി. വിദ്യാർഥികളായ ഗ്രീഷ്മ രാജ് .കെ.പി. വായനാ ദിന സന്ദേശവും സ്വാതി ഉണ്ണികൃഷ്ണൻ ഹിന്ദി കവിതാലാപനവും നടത്തി.
No comments:
Post a Comment