ക്ലാസ്സ് പി.ടി.എ യോഗം ചേര്‍ന്നു.
കാടഞ്ചേരി ഗവ: ഹയര്‍ സെക്കണ്ടറി സ്കൂളിലെ ഒന്നു മുതല്‍ ഏഴ് വരെ ക്ലാസ്സുകളില്‍ പഠിക്കുന്ന വിദ്യാര്‍ത്ഥികളുടെ രക്ഷിതാക്കളുടെ സംയുക്ത സംഗമം ജൂലായ് 11ന് സ്കൂള്‍ ഓഡിറ്റോറിയത്തില്‍ നടന്നു. സംഗമത്തില്‍ സീനിയര്‍ അസിസ്റ്റന്റ് കെ.പി.അംബിക ടീച്ചര്‍ അധ്യക്ഷത വഹിച്ചു. സംഗമത്തില്‍ 'വിദ്യാര്‍ത്ഥികളുടെ പഠന നിലവാരം ഉയര്‍ത്തുന്നതില്‍ രക്ഷിതാക്കളുടെ പങ്ക് 'എന്ന വിഷയത്തില്‍ സേതുമാധവന്‍ മാസ്റ്ററും" വിദ്യാര്‍ത്ഥികളിലെ അച്ചടക്ക രൂപീകരണത്തില്‍ രക്ഷിതാക്കളുടെ പങ്ക് "എന്ന വിഷയത്തില്‍ പി.കെ.ബാബു മാസ്റ്ററും" കുടുംബാന്തരീക്ഷത്തില്‍ വിദ്യാര്‍ത്ഥികളുമായുള്ള ഇടപെടല്‍ "എന്ന വിഷയത്തില്‍ കെ.കെ. അബ്ദുള്‍ റസാക്ക് മാസ്റ്ററും "രക്ഷിതാക്കളറിയാന്‍ വിവിധ തരം സ്കോളര്‍ഷിപ്പുകള്‍"
എന്ന വിഷയത്തില്‍ പി.വി.പ്രകാശ് മാസ്റ്ററും ക്ലാസ്സുകള്‍ക്ക് നേത്രുത്വം നല്‍കി.സംഗമത്തിന് പ്രൈമറി വിഭാഗം എസ്.ആര്‍.ജി കണ്‍വീനര്‍ എം.കെ.ഹൗലത്ത് ടീച്ചര്‍ സ്വാഗതവും പി.പി.ദാമോദരന്‍ മാസ്റ്റര്‍ നന്ദിയൂം പറഞ്ഞു.
No comments:
Post a Comment